Mi estas Bond, James Bond. Kaj vi ?

Kondamnita pro io kion li ne faris

Desegnaĵo farita per Bitstrips.

Doni solvon anstataŭ klarigi ĝuste kion vi volas

Desegnaĵo far Clive Goddard, kun © Kopirajto de "Oxford Creativity".

Konverĝo de pentrado kaj fotado

Antaŭe, en pasintaj epokoj, estis tre facile distingi inter pentraĵo kaj fotaĵo, kaj fotado estis preskaŭ sinonimo de bildo-kapto pri realaĵo, pri io ekzistanta aŭ ekzistinta.

Tamen, en la nuna epoko, epoko de ciferecaj kaptado kaj procezado de bildoj, io kiu ŝajnas "fotaĵo" ne necese estas atesto pri realaĵo.

Tiu ĉi simpla pensaĵo naskas ĉar dum la ĵuspasintaj tagoj mi esploris pri la eblecoj kiujn donas al fotanto/fotisto programoj kiel:

• Photoshop de Adobe
• Inpaint de Teorex
• Portrait Professional Studio de Anthropics Technology
kaj
• FaceMixer de Abrosoft

Ĉu la hispana reĝo ne plu ĉasos ?

"Cliplets" inter fotaĵo kaj videaĵo, iusence

Esploristoj de Microsoft Research faris programon kiu permesas produkti —oni povas diri— "fotecajn videaĵojn" (aŭ "videecajn fotaĵojn"), kiuj kombinas senmovan kaj moviĝantan parton en unu sama bildo.

Nu, oni povas argumenti ke ne temas pri fotaĵo, ĉar, teknike, fakte tio estas videaĵo. Prave. Tamen en kelkaj el ili la preskaŭ-fota aspekto estas eble pli granda ol la videa aspekto, kvankam ĉi-lasta tuj altiras la atenton de la rigardanto, jen:

Bona afero estas ke la programo estas senpage elŝutebla:

http://research.microsoft.com/en-us/um/redmond/projects/cliplets/

Oni trovas instruajn ekzemplojn pri kiamaniere uzi la programon Microsoft Cliplets en tiu retpaĝo kaj en Youtube.com.

Jen aliaj bonaj ekzemploj trovitaj en la reto (alklaku por grandigi):

PIV oficiale en la reto

Bone, finfine aperis PIV (Plena Ilustrita Vortaro de Esperanto) en la reto, oficiale:

http://vortaro.net

Tamen. mi deziras ke oni povu uzi ĝin pli publike kaj facile: Sen tia deviga registriĝo.

Pri la historio de la projekto vi povas legi artikolon en Libera Folio.

Nu, kiel ĉiam kaj pri ĉio, kelkaj homoj havas neŝatan opinion pri PIV, ekzemple:

• La artikolo PV KAJ PIV, far Anna Lowenstein.
• La artikolo Heroa verko – kun mankoj, far Bertilo Wennergren.

Du malaj kialoj por unu sama konduto

Hodiaŭ mi aŭdis anekdoton pri sinjoro Rafael Nuñez, kiu estis prezidento de Kolombio kaj aŭtoro de la teksto de nia nacia himno. Jen ĝi:

Iam kolombia sinjorino, kiu lin konis, renkontis lin en la urbo Liverpool, kaj rimarkis ke li vestis palton iom aĉan, do ŝi diris al li pri tio, tamen li respondis:
— Trankviliĝu. Tio ne gravas, ĉar tie ĉi neniu scias kiu mi estas.

Jarojn poste, jam en la urbo Bogoto kaj kiam li estis prezidento, novan fojon la sama sinjorino renkontis lin, kaj, rimarkinte ke li uzis la saman aĉan palton, denove sugestis al li ke tia vestaĵo ne estis konvena por li. Tamen, ĉi-foje li respondis:
— Trankviliĝu kara sinjorino. Tio ne gravas, ĉi tie ĉiuj scias kiu mi estas.

ESPERANTO jam en translate.GOOGLE.com

Mi opinias ke la ĵusa enkonduko de Esperanto inter la lingvoj kiujn uzas la tradukilo de Google estas bonega novaĵo por la tutmonda plia diskonigo de nia kara lingvo.

Tio aldoniĝas al aliaj du aferoj, kiujn mi taksas signifoplenaj samsence: la Vikipedio en Esperanto, kaj la ebleco uzi Esperanton en la paĝaro de Google

Kvankam jam ekzistis aliaj tradukiloj al/el Esperanto en Interreto, kiel TRADUKU.NET, kaj GRAMTRANS.COM, tiuj ĉi estis rilate Esperanton -mi pensas- konitaj inter la esperantistoj, kaj ne tiom inter la publiko ĝenerale. Tiurilate la tradukilo de Google promesas pli grandan ĉeeston de Esperanto antaŭ la okuloj de multegaj uzantoj de la tradukilo de google en la tuta mondo. Krome, tiuj deantaŭe ekzistantaj tradukiloj havas tro limigitajn lingvoparojn.

Legindas la blogafiŝo de Google, okaze de la hieraŭa enkonduko de nia lingvo en sia traduksistemo, anglalingva kvankam espertantlingve titolita: Tutmonda helplingvo por ĉiuj homoj

Restas atendi konstantan plibonigon de la tradukilo bazita sur la statistiko de pli kaj pli da tradukoj faritaj.